Kesyon yo poze souvan

Florida KidCare se yon asirans eta a bay’ pou sante ak pou swen dantè, li bon anpil epi li pa chè, li pou timoun ki fenk fèt jiska¹⁹ lane. Florida KidCare gen kat pwogram: Medicaid for Children, MediKids, Florida Healthy Kids ak Children's Medical Services (CMS) Health Plan. Florida KidCare bay kouvèti ki pa chè pou pwogram Asirans Sante pou Timoun yo (Children's Health Insurance Program, CHIP) pou moun ki kalifye yo. Sa vle di gouvènman an ap peye yon pati nan pèman chak mwa ou a, yo rele sa tou sibvansyon. Pou timoun ki pa kalifye pou CHIP yo, yon opsyon pou peye tout pèman an ak yon pri konpetitif ka disponib pou yo. 

 Pou yon timoun elijib, li dwe: 

• Gen mwens pase 19 lane 
• Ap viv Florida 
• Yon sitwayen ameriken, yon imigran, oswa li dwe legal nan peyi a 
• Ap viv ak moun ki aplike a 
• Lòt restriksyon ka aplikab 

Florida KidCare se mak la pandan Florida Healthy Kids se youn nan kat opsyon pwogram yo. 

Florida KidCare gen kat opsyon pwogram. Elijiblite a baze prensipalman sou gwosè fanmi an ak revni anyèl brit, ansanm ak laj timoun nan ak bezwen swen sante yo. Yo mete timoun ki elijib yo otomatikman nan pwogram ki pi bon pou yo a.  

• Florida Healthy Kids (FHK) pou timoun ki gen 5 lane jiska 19 lane 
• Medicaid pou timoun ki fenk fèt jiska 19 lane 
• MediKids pou timoun ki gen 1 lane jiska 5 lane 
• Plan Sante children's Medical Services (CMS) (pou timoun ki fenk fèt jiska 19 lane ki gen bezwen swen sante espesyal. Timoun ki enskri nan CMS Health Plan ki gen pwoblèm sante mantal oswa itilizasyon sibstans kapab kalifye tou pou Rezo Sante Konpòtmantal la. 

Men kijan pou kontakte nou:  

Telefòn: 1-888-540-KIDS (5437) Lendi - Vandredi, 7:30 a.m. - 7:30 p.m., lè lès, eksepte jou ferye yo
Faks: 1-866-867-0054
Imèl: [email protected]

Ou ka voye lèt pou nou tou pa lapòs. Gen yon sèl adrès pou lèt ak yon sèl pou pèman.  

Pou lèt:   
Florida KidCare  
P.O. Box 980  
Tallahassee, FL 32302-0980

Pou pèman: 
Florida KidCare  
P.O. Box 31105  
Tampa, FL 33631-3105

Jwenn nou sou rezo sosyal:
Facebook: @FLKidCare
X (Twitter): @FLKidCare
YouTube: @FloridaKidCare 
Instagram @FLKidCare 

Pwogram Asirans Sante pou Timoun yo (CHIP) bay lajan federal pou ede peye asirans sante pou timoun ki nan fanmi ki gen revni ki fèb yo. Gouvènman federal la gen direktiv pou CHIP, men chak eta elabore epi dirije pwòp pwogram pa yo. 

Nan Florida, pwogram sa yo fòme pwogram CHIP otorize federal la: 

• Florida Healthy Kids 
• MediKids 
• Plan Sante Sèvis Medikal Timoun yo (CMS)  

Li rapid epi fasil! Tout pwogram Florida KidCare itilize yon sèl aplikasyon.  

Pou aplike sou entènèt, monte sou FloridaKidCare.org.  

Kreye yon Kont Pòtay Paran ou an tou, ranpli fòmilè an epi soumèt li. 

Oswa ranpli yon fòmilè sou papye. Jwenn yon kopi sou imèl, lapòs oswa faks.

Pou jwenn èd konsènan fòmilè a oswa pou yo voye yon kopi papye pa lapòs ba ou, ou ka pale sou entènèt ak yon ajan an dirèk pandan lè fonksyonman yo oswa rele 1-888-540-KIDS (5437) Lendi - Vandredi, 7:30 a.m. - 7:30 p.m., lè lès, jou ferye pa ladan. Si w mande pou yon ajan ranpli fòmilè a nan non w, yon ajan espesyalize ka rele w pou ranpli fòmilè a ak ou nan telefòn.  

Selon laj timoun nan, kantite moun ki nan fwaye a, revni fanmi an ak lòt kondisyon elijiblite, Florida KidCare ap mete pitit ou a otomatikman nan pwogram ki pi bon pou li a. Kòm enskripsyon lib la louvri pandan tout ane a, lè pou w aplike a se toujou kounye a. 

Depi nou jwenn yon aplikasyon ranpli ak tout dokiman ki nesesè yo, ou ta dwe resevwa yon lèt nan espas de semèn. Si nou oblije mande plis enfòmasyon oswa dokiman, desizyon an ka pran jiska sis semèn. Depi demann ou an fin apwouve, ou dwe peye pèman w lan pou kòmanse kouvèti asirans lan. Kouvèti a kòmanse nan premye jou nan mwa aprè yo fin jije pitit ou a elijib la epi pèman premye mwa a fèt. W ap gen yon pèman chak mwa aprè sa.  

Pou konnen estati aplikasyon w lan, konekte sou Kont Pòtay Paran ou an tou nenpòt lè, ekri sou entènèt ak yon ajan pandan lè travay.  

Ou ka rele nou tou nan 1-888-540-KIDS (5437) Lendi - Vandredi, 7:30 a.m. - 7:30 p.m., Lè lès, eksepte jou ferye, epi chwazi Opsyon 4. W ap bezwen nimewo konfimasyon yo te voye ba ou lè ou te soumèt aplikasyon w lan.  

Jeneralman, sa pran 24-48 èdtan pou nou resevwa yon aplikasyon yo soumèt anliy. Sa pran 7-10 jou ouvrab pou yon aplikasyon pa lapòs. 

Yon aplikasyon ka an atant paske ’ manke enfòmasyon. Ou dwe soumèt enfòmasyon sa yo epi nou dwe resevwa li nan espas 45 jou. Ou ka telechaje dokiman yo sou Kont Pòtay Paran ou an tou oswa diskite anliy ak yon ajan an dirèk pandan lè fonksyonman yo.  

Men kèk egzanp enfòmasyon ki konn manke yo: 

• Nimewo Sekirite Sosyal (SSN) ki manke pou yon timoun k ap aplike pou kouvèti 
• Dat nesans ki manke pou yon timoun k ap aplike pou kouvèti 
• Non yon timoun oswa yon paran ki manke 
• Aplikasyon ki pa siyen 
• Relasyon timoun k ap aplike pou kouvèti an ak lòt manm nan fwaye a 
• Enfòmasyon sou travay ak revni ki pa konplè 

Ou ka aplike pou kouvèti depi ou genyen yon adrès Florida. Asire w ou sèvi ak nouvo adrès Florida ou lè w ap aplike. 

Si ou pa dakò ak yon desizyon konsènan kalifikasyon CHIP oswa enskripsyon, rele nou 1-888-540-KIDS (5437) Lendi - Vandredi, 7:30 a.m. - 7:30 p.m., Lè lès, eksepte jou ferye. Nou ap gade si nou ka rezoud pwoblèm nan. Si nou pa ka rezoud pwoblèm nan nan telefòn, lè sa a, ou ka Konteste desizyon an.

Ou dwe eksplike, alekri, rezon ki fè ou panse desizyon an (yo) pa bon.

Imèl:  [email protected]

Imèl:
Florida KidCare
P.O. Box 591
Tallahassee, FL 32302-0591 

Faks:
1-866-867-0054 

Asire w ou mete nimewo kont fanmilyal ou nan lèt, imèl oswa faks ou a. 

Nou dwe resevwa lèt ou a pa lapòs, imèl oswa faks nan espas 90 jou sivil apati dat ki sou avi desizyon nou te voye a. 

N ap voye yon avi alekri kote nou konfime nou resevwa plent ou an nan espas 3 jou sivil apati jou nou resevwa plent ou an. L ap di w kisa pou w fè aprè. 

Plan sante oswa plan dantè w la genyen yon pwosesis pou w soumèt kontestasyon, apèl, ak doleyans konsènan founisè, tretman, ak kouvèti yo. Pou asire w ou resevwa sipò ou bezwen an, kontakte plan w lan. Yo ka egzamine enfòmasyon ou yo, trete enkyetid ou yo, epi ba ou plis detay.   

Pou anile kouvèti Florida KidCare, ou ka diskite anliy ak yon ajan an dirèk pandan lè travay yo oswa rele 1-888-540-KIDS (5437) lendi – vandredi, 7:30 a.m. rive 7:30 p.m., lè lès, jou ferye yo pa ladan.  

Si w sispann fè pèman, y ap anile pwoteksyon pitit ou a. 

Kouvèti timoun nan ap rete aktif jiska 11:59 p.m. nan dènye jou nan mwa kouvèti yo ap fini an. 

 ENPÒTAN: Si w gen Medicaid, ou dwe rele 850-300-4323 pou anile.  

Pitit ou a ka pèdi kouvèti li a si: 

• Ou pa fè pèman an alè. Pou evite sa, ou ka mete AutoPay
• Ou pa renouvle kont ou chak ane 
• Pitit ou a rive vin gen 19 lane 
• Ou deplase kite Florida 
• Pitit ou a nan prizon 
• Pitit ou a gen lòt asirans sante, tankou asirans prive oswa asirans patwon an peye. 

Gen lòt rezon ki fè yon timoun ka pèdi kouvèti. Si w gen kesyon, ekri sou Entènèt ak yon ajan an dirèk pandan lè travay oswa rele Florida KidCare nan 1-888-540-KIDS (5437) Lendi rive Vandredi, 7:30 a.m. - 7:30 p.m., lè lès, jou ferye yo pa ladan.

Nou ka revize kont fanmi an pou detèmine kisa ki lakoz pèt elijibilite a. 

Timoun ki kontinye ranpli kondisyon elijibilite yo ka enskri ankò nan Florida KidCare san yo pa bezwen aplike ankò. Timoun yo te anile kouvèti yo paske yo pa reponn ak kondisyon elijibilite yo dwe aplike ankò. 

Ou ka jwenn aksè ak Kont Pòtay Paran ou an tou pou w kapab aplike ankò. Enfòmasyon ou yo ta dwe parèt otomatikman sou aplikasyon an.

Pou fanmi revni yo enferyè oswa egal ak limit Medicaid la, pa gen okenn frè. Pou plis enfòmasyon sou Medicaid, ou dwe rele 850-300-4323. 

Pwogram Asirans Sante pou Timoun (CHIP) se yon pwogram Florida KidCare ki pa koute chè pou fanmi ki genyen yon revni ki twò wo pou yo elijib pou Medicaid ak mwens pase 215% nivo povrete federal (federal poverty level, FPL). Frè mansyèl la ($15 oswa $20) depann de gwosè fwaye an ak revni li yo. Pèman mansyèl sa a kouvri tout timoun ki nan menm fwaye ki elijib pou kouvèti CHIP la.

Pwogram Asirans Sante pou Timoun (CHIP) se yon pwogram Florida KidCare ki pa koute chè pou fanmi ki genyen yon revni ki twò wo pou yo elijib pou Medicaid ak mwens pase 215% nivo povrete federal (federal poverty level, FPL). Frè mansyèl la ($15 oswa $20) depann de gwosè fwaye an ak revni li yo. Pèman mansyèl sa a kouvri tout timoun ki nan menm fwaye ki elijib pou kouvèti CHIP. 

Kouvèti CHIP gen ladan kouvèti sante, dantè ak vizyon ak kopèman ki ba oswa ki pa gen kopèman . 

Pèman konplè MediKids bay kouvèti sante, dantè ak vizyon pou $248.21 pou chak timoun chak mwa. Pa gen kopèman ki obligatwa pou sèvis yo. 

Pèman konplè Florida Healthy Kids bay kouvèti sante, dantè ak vizyon pou $259.50 pou chak timoun chak mwa. Fanmi yo ka chwazi pou yo pa patisipe nan kouvèti dantè a pou yon pèman chak mwa $244.50 pou chak timoun. Gen yon ti kopèman ki obligatwa pou kèk sèvis. 

Plan Sante Sèvis Medikal Timoun yo pa gen yon opsyon pèman konplè. 

Wi. Pou kouvèti CHIP (sibvansyone), depans ki soti nan pòch yo limite nan 5% revni anyèl brit fanmi ou. Sa a se revni anyèl ou anvan taks ak lòt dediksyon chak ane plan an. Ane plan an se “peryòd kalifikasyon kontinyèl” pitit ou a, ki kòmanse lè pitit ou a enskri a epi ki dire 12 mwa. 

Depans ki soti nan pòch ou pou kouvèti CHIP yo gen ladan yo tout kopèman fanmi w peye plis pèman CHIP chak mwa. 

Rasanble resi w yo pou depans ki soti nan pòch yo epi diskite anliy ak yon ajan an dirèk pandan lè travay yo oswa rele nou nan 1-888-540-KIDS (5437) Lendi - Vandredi, 7:30 a.m. - 7:30 p.m., lè lès., jou ferye pa ladan. 

Lè yo fin resi w yo verifye, n ap voye yon lèt k ap di ou pa dwe okenn pèman mansyèl oswa kopèman pou kouvèti CHIP pou rès ane plan an. Ane plan an se “peryòd kalifikasyon kontinyèl” pitit ou a, ki kòmanse lè pitit ou a enskri a epi ki dire 12 mwa. 

Ou ka montre founisè yo lèt sa a. Plan pitit ou a ap di founisè yo tou fanmi ou an pa dwe okenn kopèman.  

Ou dwe peye pèman mansyèl ak kopèman lè pwochen ane plan pitit ou a kòmanse. Ou dwe fè pèman nan mwa anvan an pou kouvèti mwa k ap vini an. 

Florida KidCare kouvri: 

• Vizit doktè 
• Iminizasyon ak vaksinasyon 
• Sejou lopital 
• Swen dantè, sèl si manm nan chwazi pa benefisye kouvèti swen dantè 
• Ijans 
• Preskripsyon 
• Sèvis vizyon ak odisyon 
• Swen sante mantal 
• …ak plis ankò!

Kouvèti CHIP gen ladan l swen dantè. Pèman konplè Florida Healthy Kids bay kouvèti dantè pou $15 anplis chak mwa. Fanmi yo ka chwazi pou yo pa patisipe nan kouvèti dantè pèman konplè. Aprann plis sou avantaj dantè yo sou.

Plan sante Florida KidCare ak plan swen dantè ou a ap voye yon kat idantifikasyon pou ou. Montre kat sa a nan kabinè doktè a ak nan famasi yo. Si pitit ou a bezwen sèvis avan ou jwenn kat la, mande plan w lan kòman pou w jwenn yon kat dijital sou telefòn mobil ou, oswa mande founisè w la pou l verifye enskripsyon pitit ou a. 

Lè ou kreye kont Pòtay Paran ou, ou ka chwazi metòd kominikasyon ou prefere a. Ou ka chanje preferans ou nenpòt lè. 

Pou w enskri, chanje oswa refize kominikasyon elektwonik, konekte sou kont Florida KidCare ou a. Kont Pòtay Paran ou an tou. Pou mete preferans ou yo ajou, ale nan Preferans kominikasyon yo oswa ekri sou entènèt ak yon ajan nan lè travay yo. Ou kapab rele tou 1-888-540-KIDS (5437) Lendi - Vandredi, 7:30 a.m. - 7:30 p.m., lè lès, eksepte jou ferye.  

Si w pa resevwa notifikasyon elektwonik, asire w imèl ak nimewo telefòn selilè ki nan dosye a kòrèk.  

Si ou konfime imèl ou a ak nimewo telefòn ou an kòrèk men ou toujou pa wè lèt sou kont Pòtay Paran ou an, ekri anliy ak yon ajan an dirèk pandan lè yo louvri yo oswa rele 1-888-540-KIDS (5437). Lendi - Vandredi, 7:30 a.m. - 7:30 p.m., Lè Lès, jou ferye yo pa ladan 

Ou te enskri pou notifikasyon elektwonik. Si ou vle kòmanse resevwa lèt pa lapòs, konekte sou kont ou an epi chwazi Pa lapòs (Mail) anba Preferans kominikasyon yo. Ou ka ekri anliy tou ak yon ajan an dirèk oswa ou ka rele 1-888-540-KIDS (5437) Lendi - Vandredi, 7:30 a.m. - 7:30 p.m., Lè Lès, sof nan jou ferye yo, pou dezaktive notifikasyon elektwonik yo. 

Wi. Ou ka chwazi pou w resevwa lèt ni pa lapòs, ni sou Kont Pòtay Paran ou an tou. Pou w chanje preferans pou kominikasyon ou yo, ou ka konekte sou kont ou an oswa ou ka ekri ak yon ajan an dirèk oswa ou ka rele 1-888-540-KIDS (5437) Lendi - Vandredi, 7:30 a.m. - 7:30 p.m., Lè Lès, jou ferye yo pa ladan. 

W ap resevwa yon lèt k ap di w nan ki plan pitit ou a enskri. Lèt la ap di w si gen lòt opsyon ki disponib.  

Ou gen 90 jou pou w chanje yon plan sante oswa yon plan swen dantè. Chanjman yo ap aplikab premye jou nan mwa ki vin aprè chanjman ou mande a.

Peye anliy 

• Konekte sou kont Pòtay Paran
• Ale nan “Pèman” epi klike sou bouton “Peye anliy&rdquo lan. 
• Konfigire pèman otomatik (autopay) la oswa fè yon pèman yon sèl fwa. 
• Nou aksepte Visa, Mastercard ak Discover. Nou aksepte tou Venmo, PayPal, Apple Pay ak Google Pay. 

Konfigire pèman otomatik la (autopay)

• Anba Jere Pèman yo (Manage Payments), chwazi “Mwen vle jere pèman otomatik mwen an.” 

Peye anliy chak fwa  

• Anba Jere Pèman yo (Manage Payments), chwazi “Mwen vle Peye Kounya (Pay Now)” 
• Pou lòt pèman w ap gen pou w fè yo, ou ka anrejistre nimewo kont labank ou an oswa nimewo kat kredi ou a anba Enfòmasyon sou Bous (Wallet Information). 

Peye anliy san w pa ale sou Pòtay Paran an  

• Ale sou https://healthykids.bill2pay.com/. 
• Ale nan & ldquo;peye prim chak mwa ou a anliy” epi verifye kont ou.  

Peye sou telefòn 

• Peye lè w rele 1-888-540-KIDS (5437). 
• Asire w ou gen Nimewo Kont Fanmi ou an ak adrès postal ou a KÒD Postal. 

Peye ak chèk, ak chèk nan bank oswa ak manda postal (money order)peyab nan “Florida KidCare” 

• Ekri Nimewo Kont Fanmi w lan sou pèman w lan. 
• Voye l pa lapòs bay: 
  Florida KidCare
  P.O. Box 31105 
  Tampa, FL 33631-3105 

Peye ak lajan kach avèk yon kòdba   

• Konekte sou kont Pòtay Paran ou an sou aplikasyon mobil la oswa sou floridakidcare.org.  
• Ale nan “Pèman” epi klike sou bouton “Peye anliy&rdquo lan. 
• Anba & ldquo;Jere Pèman yo (Manage Payments),” chwazi “Mwen vle Peye Kounye a (Pay Now)” 
• Chwazi “Pèman ak Lajan Kach.”  

Pèman yo dwe fèt premye jou nan chak mwa pou kouvèti mwa pwochen an. Tankou pou ou genyen kouvèti 1ye mas, nou dwe resevwa pèman w lan anvan 1ye fevriye.  

Ou ka fè pèman an sou entènèt atravè sistèm otomatik la, pa lapòs oswa lè w konekte sou Kont Pòtay Paran ou an tou, epi aktive pèman otomatik yo. Pèman yo ap afiche nan pwochen jou ouvrab la. 

Ou ka konfime ou te resevwa pèman ou an lè w konekte sou Kont Pòtay Paran ou an tou oswa pale ak yon ajan an dirèk lè w rele 1-888-540-KIDS (5437) Lendi - Vandredi, 7:30 a.m. - 7:30 p.m., lè lès, jou ferye yo pa ladan. Apati 1 jiska 2 jou ouvrab pou pèman sou Entènèt, lajan kach ak telefòn epi 5 jiska 7 jou ouvrab pou chèk (pou konsidere tan yo te voye li a).  

 

Pitit ou a enskri otomatikman nan yon plan sante ak yon plan dantè lè yo apwouve aplikasyon w lan epi premye pèman an fèt 

Chwa w genyen pou plan asirans sante ak dantè depann de pwogram kote pitit ou a enskri a ak konte kote w abite a. 

An jeneral, ou gen 90 jou pou chanje plan lè aplikasyon w lan apwouve epi lè w renouvle kouvèti asirans ou a aprè 12 mwa. Peryòd 90 jou sa yo rele peryòd chwa lib. Ou ka gen bon rezon pou kapab chanje plan andeyò peryòd chwa lib ou a. Si pitit ou a nan: 

• Florida Healthy Kids epi ou nan peryòd chwa lib ou a, ou ka konekte sou Kont Pòtay Paran ou an tou pou w chanje plan; osinon, ou ka ekri ak yon ajan an dirèk oswa rele 1-888-540-KIDS (5437) Lendi - Vandredi, 7:30 a.m. - 7:30 p.m., lè lès, eksepte jou ferye 
• MediKids, rele 1-877-506-0578.  
• Medicaid, rele 1-877-254-1055. 
• Plan Sante Children's Medical Services (CMS)., rele 1-866-799-5321. Sèl opsyon w se kite CMS Health Plan lan epi rantre nan yon plan Florida Healthy Kids oswa plan MediKids, selon laj pitit ou a. 

An jeneral, ou gen 90 jou pou chanje plan lè aplikasyon w lan apwouve epi lè w renouvle kouvèti asirans ou a aprè 12 mwa. Peryòd 90 jou sa yo rele peryòd chwa lib. Ou ka gen bon rezon pou kapab chanje plan andeyò peryòd chwa lib ou a. Si pitit ou a nan: 

• Florida Healthy Kids epi ou nan peryòd chwa lib ou a, ou ka konekte sou Kont Pòtay Paran ou an tou pou chanje plan; osinon, ou ka diskite ak yon ajan an dirèk oswa rele 1-888-540-KIDS (5437) Lendi - Vandredi, 7:30 a.m. - 7:30 p.m., lè lès, jou ferye yo pa ladan. 
• MediKids, rele 1-877-506-0578.  
• Medicaid, rele 1-877-254-1055. 
• Plan Sante Children's Medical Services (CMS)., rele 1-866-799-5321. Sèl opsyon w se kite CMS Health Plan lan epi rantre nan yon plan Florida Healthy Kids oswa plan MediKids, selon laj pitit ou a. 

Pou trete yon chanjman plan, nou kapab jwenn aksè ak kont fanmi an epi wè nan ki fason nou ka ede yo.
Plan yo ka chanje: 

• Premye 90 jou yo pandan peryòd chwa lib la 
• Pandan peryòd renouvèlman anyèl yon timoun 
• Pandan peryòd chwa lib 90 jou aprè renouvèlman anyèl la 

Si pitit ou a nan: 

• Florida Healthy Kids epi ou nan peryòd chwa lib ou a, ou ka konekte sou Kont Pòtay Paran ou an tou pou chanje plan; osinon, ou ka diskite ak yon ajan an dirèk oswa rele 1-888-540-KIDS (5437) Lendi - Vandredi, 7:30 a.m. - 7:30 p.m., lè lès, jou ferye yo pa ladan. 
• MediKids, rele 1-877-506-0578.  
• Medicaid, rele 1-877-254-1055. 
• Plan Sante Children's Medical Services (CMS)., rele 1-866-799-5321. Sèl opsyon w se kite CMS Health Plan lan epi rantre nan yon plan Florida Healthy Kids oswa plan MediKids, selon laj pitit ou a. 

Non. Chak pwogram Florida KidCare gen kontra ak konpayi asirans yo.  

Konpayi asirans lan ap depann de ki pwogram pitit ou a enskri ladan ak ki kote w ap viv nan Florida.  

Se konpayi asirans ou chwazi a ki ap sous enfòmasyon prensipal ou sou avantaj ak sèvis pitit ou ki kouvri yo. 

Chak pwogram Florida Kidcare gen pwòp avantaj pa yo.  Tout plan Florida Healthy Kids kouvri menm avantaj yo, men yo ofri diferan avantaj siplemantè, tankou kou natasyon. Tout plan MediKids yo kouvri menm avantaj ak Medicaid, men gen kèk diferans nan plan yo. Children's Medical Services (CMS) Health Plan gen yon konpayi sèl asirans sante ak yon sèl konpayi asirans dantè. An jeneral, CMS Health Plan ofri menm avantaj ak Medicaid ak MediKids.  

Lè w ap chwazi yon plan, fanmi w dwe konsidere: 

• Sèvis pitit ou a bezwen 
• Plan doktè ou a aksepte 
• Tip doktè pitit ou a bezwen, tankou yon pedyat, doktè fanmi, ak espesyalis 
• Nenpòt avantaj siplemantè pitit ou bezwen 

Wi. Sèlman lè gen ijans, pitit ou a dwe al wè yon founisè rezo a pou sèvis yo kouvri. Ou ka bezwen jwenn tou yon referans nan men founisè swen primè pitit ou a pou w al wè yon espesyalis. Pou w aprann plis sou founisè ki nan rezo plan w lan, kontakte plan w lan. Sèlman lè gen ijans, si w konsilte yon founisè ki pa nan rezo a, ou ka responsab pou w peye tout frè yo. 

Wi. Ou ka chwazi nenpòt doktè nan rezo plan w lan. Ka gen doktè diferan nan chak plan. 

Yon founisè rezo se yon founisè ki gen yon kontra ak yon plan pou wè moun ki enskri yo.

Founisè sa yo kapab genyen ladan yo: 

• Doktè 
• Dantis 
• Lopital 
• Famasi 
• Konpayi ekipman medikal 

Pou aprann plis sou founisè ki nan rezo plan w lan, kontakte plan w lan. 

Kesyon yo ka konsène:   

• Kijan pou mwen chwazi yon founisè swen primè? 
• Èske mwen ka chanje founisè swen primè? 
• Èske mwen ka chwazi nenpòt founisè swen primè? 
• Kijan pou mwen pran yon randevou? 
• Èske gen yon pri pou vizite doktè a? 
• Kijan pou mwen konnen si yon doktè se yon founisè rezo? 
• Ki kote mwen ka jwenn èd pou m itilize lis founisè a? 
• Kiijan mwen ka ajoute founisè swen sante primè mwen an nan rezo plan mwen an? 
• Ak ki moun mwen ka pale sou enkyetid mwen genyen konsènan trètman yo oswa plan trètman yo? 

Enfòmasyon sou founisè swen sante ak sèvis yo ka diferan nan plan yo. Pou asire w ou jwenn sipò ou bezwen an, kontakte plan w lan. Yo ka revize enfòmasyon ou yo, rezoud enkyetid ou yo, epi ba ou plis detay.  

Kesyon yo ka konsène:   

• Kijan mwen ka jwenn yon referans? 
• Kilè yon rekòmandasyon enpòtan oswa nesesè? 
• Èske gen lòt egzijans tankou referans? 
• Kijan pou mwen jwenn yon espesyalis si pa gen espesyalis rezo nan zòn mwen an? 
• Kisa pou m fè si mwen bezwen sèvis yon espesyalis? 

Kondisyon pou referans ak otorizasyon davans yo diferan nan plan yo. Pou asire w ou jwenn sipò ou bezwen an, kontakte plan w lan. Yo ka revize enfòmasyon ou yo, adrese enkyetid ou yo, epi ba ou plis detay. 

Kesyon yo ka konsène:   

• Ki kondisyon rezo plan mwen an dwe ranpli? 
• Kisa mwen ka fè pou diminye tan atant nan yon randevou? 
• Ki moun ki dwe kowòdone kesyon voye dosye medikal ak pèman bòdwo yo? 
• Ki kote mwen ta dwe voye bòdwo medikal mwen yo?  

Enfòmasyon sou founisè swen sante, sèvis ak bòdwo medikal yo ka diferan nan plan yo. Pou asire w ou jwenn sipò ou bezwen an, kontakte plan w lan. Yo ka revize enfòmasyon ou yo, adrese enkyetid ou yo epi ba ou plis detay. 

Ou dwe renouvle li chak 12 mwa. N ap voye enfòmasyon sou renouvèlman ou a anviwon yon mwa anvan kouvèti asirans ou an fini, kidonk kenbe adrès postal, nimewo telefòn ak adrès imel ou a. Ou ka fè renouvèlman atravè Kont Pòtay Paran ou an tou, pa telefòn oswa pa lapòs. Si tout enfòmasyon nou bay nan lèt renouvèlman an kòrèk, ou sèlman bezwen fè yon pèman pou kontinye kouvèti a pwochen mwa a. 

Kisa Florida KidCare ye?

Florida Healthy Kids ap voye enfòmasyon sa yo bay IRS. Yon paran ka toujou mande yon kopi fòmilè taks 1095B pitit li a si li ta renmen jwenn youn. Yo ap nan obligasyon pou yo rele Florida KidCare nan 1-888-540-KIDS (5437).

Non. Timoun ki nan Healthy Kids gentan resevwa èd ak pri kouvèti asirans yo. Timoun ki ka jwenn Healthy Kids pou $20 chak mwa oswa mwens pa ka jwenn yon kredi taks prim.

Kredi taks sou prim yo pa disponib pou patisipan Florida Healthy Kids ki peye tout frè yo. Si ou vle yon kredi taks sou prim, ou dwe aplike pou kouvèti sou sit entènèt healthcare.gov pandan peryòd enskripsyon lib la.

Pifò paran ki gen timoun nan Florida Healthy Kids ka kalifye pou yon kredi taks prim atravè Mache Anliy Fedelal (Marketplace Federal) la, menm si li pa fèt nan tout ka. Ou ka jwenn plis enfòmasyon sou healthcare.gov.

Sèlman timoun ki elijib pou pwogram pèman konplè an gen posiblite pou yo patisipe ak paran yo nan Mache Anliy lan. Timoun ki ka jwenn Florida Healthy Kids pou $20 chak mwa oswa mwens dwe selon lalwa rete nan pwogram sa a.

Se yon sèl paran ki ka deklare timoun nan antanke yon depandan. Se paran sa k ap deklare kouvèti asirans lan epi se li ki ta dwe peye yon penalite si timoun nan pa gen yon asirans sante.

Non. Ou ka mande kopi nenpòt ane pitit ou a te enskri nan Florida Healthy Kids la epi resevwa yon fòmilè fiskal 1095B. Ou ka kontakte Florida KidCare nan 1-888-540-KIDS (5437) pou fè demann sa a.

Paran yo p ap resevwa fòmilè taks 1095B pa lapòs ankò apati ane sivil 2020 an. Enfòmasyon sa yo pral jwenn IRS otomatikman, kidonk okenn aksyon pa nesesè nan men yon paran. Men, yon paran ka mande kopi fòmilè taks 1095B pitit li yo lè li kontakte Florida KidCare nan 1-888-540-KIDS (5437) pou fè demann sa a.

W ap bezwen kreye yon Kont Pòtay Paran ou an tou sou FloridaKidCare.org pou: 

• Soumèt yon demann 
• Konsilte epi mete ajou enfòmasyon sou kont ou 
• Fè pèman yo anliy 
• Resevwa mesaj Florida KidCare 
• Konplete renouvèlman yo 
• Telechaje dokiman yo 
• …ak plis ankò! 

Pou asire w enfòmasyon fanmi w an sekirite, w ap bezwen kreye yon non itilizatè ak modpas lè w ap kreye yon kont. Nou ap mande kontak ou, ki gen ladan yon imèl pou aktive nouvo Kont Pòtay Paran ou an tou. 

Kreye yon Kont Pòtay Paran ou an tou epi soumèt yon nouvo demann. Depi yo fin apwouve li, sèvi ak Nimewo Kont Familyal ou an pou w kapab jwenn enfòmasyon sou kont ou.  

 

Pou konekte sou kont ou an, klike sou Jere Pòtay Paran ou. Bay youn nan seri enfòmasyon sa yo: 

• Nimewo Kont Famlyal, dat nesans, ak nimewo Sekirite Sosyal 
• Dat nesans, imèl, non, siyati, ak Kòd Postal 
• Nimewo Sekirite Sosyal, imèl, non, siyati, ak Kòd Postal 

Fason ki pi sekirize pou soumèt dokiman anliy se: 

1. Konekte sou Kont Pòtay Paran ou an tou sou FloridaKidCare.org.  
2. Klike sou Telechaje dokiman yo.  
3. Klike sou Telechaje yon nouvo dokiman.  
4. Chwazi yon rezon ki fè w ap telechaje yon dokiman sou kont ou an.  
5. Klike sou tip dokiman ou vle telechaje a.  

Men kondisyon pou telechaje dokiman yo: 

• Chak fichye dwe peze mwens pase 10MB. 
• Tip fichye yo apwouve yo se .jpg, .jpeg, .gif, .pdf, .png, ak .tif.  
• Lòt tip fichye, tankou .doc, .docx, .xls, .xlsx, .ppt, oswa .pptx, dwe konvèti nan yon tip dosye apwouve oswa .rtf. 
• Yo pa aksepte fichye ki zipe. 
• Fichye yo pa kapab genyen modpas ki pwoteje yo, yo pa dwe sekirize, chifre, oswa kowonpi. Nan ka kote yo ta konsa, nou p ap kapab louvri yo.  
• Dosye yo dwe gen rapò ak aplikasyon an oswa pwosesis renouvèlman an. Florida KidCare pa trete bòdwo medikal, reklamasyon oswa nenpòt lòt tip bòdwo. 
• Pa mete okenn enfòmasyon sou sante ki konfidansyèl.  

Ou kapab tou voye dokiman yo pa imèl sou [email protected] oswa soumèt yon dokiman lè w diskite anliy ak yon ajan an dirèk pandan lè travay yo.  

Si ou bliye modpas Kont Pòtay Paran ou an tou ou an, suiv etap sa yo: 

1. Klike sou Ou bliye non itilizatè ou oswa modpas ou? 
2. Mete non itilizatè, imèl, oswa nimewo kont fanmi w lan ki nan lèt oswa imèl ki soti nan Florida KidCare la. 
3. Klike sou Voye kòd. W ap resevwa yon imèl sou adrès imèl ki asosye ak kont Pòtay Paran ou an. Imèl la ap gen yon kòd 6 chif ki ap ekspire nan inèdtan. 
4. Klike sou Kontinye. 
5. Mete kòd 6 chif ki nan imèl la. 
6. Mete non itilizatè, imèl, oswa nimewo kont fanmi w lan. 
7. Kreye yon modpas epi mete li ankò pou w kapab konfime li. 

• Longè minimòm nan se 10 karaktè 
• Omwen yon chif 
• Omwen yon karaktè espesyal 
• Omwen yon lèt majiskil 
• Omwen yon lèt miniskil 
• Klike sou Reyinisyalize epi konekte. 

Si ou pa kapab reyinisyalize modpas ou a lè w ap itilize etap sa yo oswa si w gen pwoblèm pou w konekte, ou kapab diskite ak yon ajan anliy oswa rele 1-888-540-KIDS (5437) lendi - vandredi, 7:30 a.m. - 7:30 p.m., lè lès. , jou ferye yo pa ladan.